విద్యార్థులు ‘మా తెలుగు తల్లి ’ పాట ఉన్న పేజీలను చించివేయాలా?

"పాఠ్య పుస్తకాల్లో ‘మా తెలుగు తల్లి ’ పాట ఉన్న పేజీలను చించేయాలని టీఆర్‌ఎస్‌ ఎమ్మెల్యే హరీష్‌రావు ఉపాధ్యాయులకు, విద్యార్థులకు సూచించారు. టీచర్లు దీన్ని ఒక ఉద్యమంగా తీసుకోవాలని ఆయన కోరారు."

అబ్బో! ఎంతగొప్ప నాయకత్వం  వేర్పాటువాద ఉద్యమానిది.ఎప్పుడు చూడు తన్నడం, నోటికొచ్చింది వాగడం, బందులు, రాస్తా రోకోలు దగ్గరుండి చేయించడం ( వసూళ్లను గురించిన బహిరంగ రహస్యాలను బహిరంగంగా మాట్లాడక పోవడమే మంచిది).తరతరాలుగా అణగారిన వర్గాలను ఇంకా అణగదొక్కాలన్న ఆశనో  లేదా చదివి బాగుపడదామన్న వారిని వెనక్కులాగాలన్న ఉత్సాహమో గాని వేర్పాటువాదులు తెలంగాణా ప్రాంత విద్యార్థులు పాలిత శనిదేవుళ్ళలా దాపురించారు. పుస్తకాలను చించమని విద్యార్థులకు ప్రభోదించే దౌర్భాగ్యం, మాట్లాడే భాషను గౌరవించలేని సంస్కారం వారిది.వీరు ఇప్పటివరకు ఎంతమందిని తప్పుదారి పట్టించారో లెక్క లేదు. వీరి దౌర్జన్యాలకు భయపడి తెలంగాణా ప్రాంతవాసులే తమ పిల్లలను విజయవాడనో గుంటూరో పంపించి చదివిస్తున్నారని వీరికి తెలియదా? వీరి పిల్లలు ఉద్యమాల కారణంగా ఎక్కడైనా నష్టపోతున్నారా?  రాష్ట్ర అసెంబ్లీలో, ఢిల్లీ ఏపీ భవన్ లో పశువులుగా  ప్రవర్తిస్తూ దౌర్జన్యాలకు పాల్పడిన వీరు తామేమి నష్టపోకుండా ఇతరులను అందులోను విద్యార్థులను బలి పశువులు ఎందుకు చేస్తున్నారు?వీరు అసలు దేనిని ఆశిస్తున్నారు?వీరి నాయకత్వంలో ఏ ప్రాంతమైనా పురోగమించగలదా?