తెలంగాణా ఆదాయం - వేర్పాటువాదుల అబద్ధం (రెండవ భాగం)

• నిజాం పరిపాలనలో ప్రజల రక్త మాంసాలు పిండి కూడబెట్టిన కొన్ని కోట్ల రూపాయులు చూపించి హైదరాబాద్ రాష్ట్రంలోని  తెలంగాణలోని జిల్లాలని మిగులు రాష్ట్రముగా ఉండేది అనటం సరికాదు 

• నిజాములు కోస్తా ఆంధ్ర ని లీజుకి ఇచ్చిన తర్వాత చాలా ఇబ్బందులు పడ్డారు. ఆనాడే 24 % వడ్డీకి పామర్ కంపెనీ వద్ద నుండే కాక స్థానిక  మార్వాడీల వద్ద నుండి కోట్లాది రూపాయుల అప్పులు తీసుకోవడమేకాక నగలు తాకట్టు పెట్టేవారు. ఆండస్ బ్రిటిష్ కౌన్సిల్ వరిష్ట సభ్యుడు అయిన తర్వాత నిజాంని దీన స్థితి నుంచి బయట వెయ్యడానికి  బ్రిటిష్ ప్రభుత్వమే పామర్ కంపెనీకి ఇవ్వాల్సింది తగ్గించి ఎనభైలక్షల సిక్కాలకు సెటిల్ చేసి ధనం కట్టివేసింది. దానీ బదులుగా ఉత్తర కోస్తా జిల్లాల నుంచి వచ్చే పెష్కష్ లీజుని వదులుకొని ఉత్తర కోస్తా ప్రజలను బ్రిటిష్ వారికి పూర్తిగా వదిలి పెట్టారు హైదరాబాద్ పాలకులు 

• అయినా నిజాం సంస్థానం అప్పులు మరల పెరుగుతూ వచ్చాయి. బ్రిటిష్ వారిని  అప్పుకొరకు రాయచూరు,బీడ్, లేదా బేరార్ జిల్లాలను ఇవ్వగలమని కోరారు. తర్వాత బ్రిటిష్ వారికి చెల్లించాల్సిన అప్పులకు కనీసం నాలుగు నెలలు సమయం ఇమ్మంటే ఇవ్వకపోగా హైదరాబాద్ సిటీ రక్షణలను బ్రిటిష్ సైనికులు పరిశీలించి ఏర్పాట్లు చేసుకుంటుంటే తప్పనిసరి అయి బేరార్ తో పాటు రాయచూరు, ఒస్మానాబాద్ ఒదులుకోవాల్సి వచ్చింది. బ్రిటిష్ వారికి  వీరవిధేయుడిగా 1857 మొదటి భారత స్వతంత్ర సంగ్రామాన్ని అణిచివేయడం వల్ల బ్రిటిష్ నిజాంకి తిరిగి కొన్ని జిల్లాలు ఇవ్వడమే కాక ధన సహాయం చేయడం వల్ల హైదరాబాద్ సంస్థానం ఆర్థికంగా నిలబడగలిగింది. 

• అసలు నిజాంలకు ముందు తీరాంధ్ర-రాయలసీమ పరిస్థితిని పరశీలిద్దాం. హిజ్రీ 1079 లో 1 ,03 ,62 .661  హౌన్లు గోల్కొండ నవాబులకి మైన్ల ద్వారా వచ్చేది. ఇది మొత్తం సంస్థాన ఆదాయంలో మూడవ వంతు. ఈ మైన్లన్నీ దాదాపు కృష్ణ , గుంటూరు లలోనే ఉండేవి. 1680 లలో మాధవాయిపాలెం -నర్సాపురంలో ఓడల నిర్మాణానికి ఇతర దేశాల వారు క్యూలో ఉండేవారు. 1918 -19  ఓడల నిర్మాణాలు చూస్తె భారత దేశం మొత్తం 36, 264 టన్నుల ఓడలు నిర్మానమవ్వగా ఉమ్మడి మద్రాసులో 21 ,312 నిర్మాణమయ్యాయి.రాయలసీమ రత్నాలను హైదరాబాద్ లో సానబెట్టి అమ్మేవారు.మచిలీపట్నం పట్టణం అప్పుడు వ్యాపారానికి ముఖ్యమైన రేవు. ఆనాడు కోస్తాలో రెవిన్యూ ఆదాయాన్ని పరిశీలిస్తే ఒక సంవత్సరానికి రాజమండ్రిలో భూమిశిస్తు ద్వారా 77692  పౌండ్లు వసూలయ్యేది.

•  తీరాంధ్రలో స్వాతంత్రోద్యమ సమయంలో కాల్పుల్లో అనకాపల్లి, విజయవాడ, గుంటూరు, తెనాలి, ఒంగోలు, ఏలూరు, నెల్లూరు,విశాఖపట్నం, విజయనగరం లాంటి ప్రాంతాలల్లో  ఎంతో మంది చనిపోయారు, ప్రజలు ఎన్నెన్నో త్యాగాలు చేసారు. ఆర్థిక, సామాజిక వ్యవస్థ ఎంత పరిపుష్టంగా ఉన్న ఎన్నో సంవత్సరాల నుండి సాగుతున్న ఆంధ్ర పోరాటం, సహాయనిరాకరణ, వ్యవస్థలకి అంతరాయాల వల్ల ఆదాయం తగ్గింది కాని ఆనాటి ఆంధ్రరాష్ట్రంల్లో తగిన వనరులు లేక కాదు.ఆదాయములో శతాబ్దాలుగా కోస్తా ఎంతో మిన్నగా ఉండేది. రాజధానిగా కర్నూలు, హై కోర్ట్ గుంటూరులో పెట్టుకొని ప్లానింగ్ అవి చేసుకొని సర్దుకునే సమయంలో మరల నైజాంఆంధ్ర వచ్చి ఆంధ్ర రాష్ట్రంల్లో విలీనం అవ్వడము జరిగింది. ఆ సమయంలో పేరుకు లోటులో ఉండటము సహజమే

• 1888 కి నిజాం సంస్థానం పరిస్థితి దిగజారిపోయింది. దాంతో భారత ప్రభుత్వము రెండు కోట్ల రూపాయులు హైదరాబాద్ కి అప్పు ఇచ్చి కష్టాల నుండి బయట పదవేసిందని రికార్డులు తెలుపుతున్నాయి. అప్పటి భారత ప్రభుత్వంలో తీరాంధ్ర భాగమేనని వారు కట్టిన పన్నులుండేవనేది గమనార్హం. 1905 -06 నుంచి 1955 -56 వరకూ యాభై సంవత్సరాలను నిశితంగా పరిశీలిస్తే అనేక సంవత్సరాలలో రెవిన్యూలోటు తో హైదరాబాద్ సంస్థానం లేదా రాష్ట్రం ఉండేది. రైల్వేలు,  ఇంకంటాక్స్ అనేకం ఒక సంస్థానం గాబట్టి హైదరాబాద్ ఎకౌంటులో 1948  సెప్టెంబర్ వరకూ ఉండేవి గాన కొన్ని నిధులు ఎక్కువ ఉన్నట్లు కనపడుతుంది. అదే ఆంధ్ర ప్రాంతం లో భారత ప్రభుత్వానికి ఆ పన్నులు అన్ని డైరెక్ట్ గా వెళ్ళిపోవడం మూలంగా అది కనపడదు. అంతేతప్ప లోటులో  ఉన్నట్లు కాదు. హైదరాబాద్ రెవిన్యూ ఆదాయంలో మద్యం అమ్మకం ద్వారా వచ్చే ఆదాయం 25 -30 % వరకూ ఉండేది.ఆంధ్రలో మధ్య నిషేధం ఉండేది

•  1956 లో హైదరాబాద్ రాష్ట్ర ప్లాన్ను పరిశీలిస్తే కొంత లోటులో ఉన్దేదనేది చాలామందికి తెలియక పోవచ్చు. 1956 -57 నాటికి అఖండ హైదరాబాద్ రాష్ట్రము కూడా 7 .315 % (2 .21 కోట్ల రూపాయలు) లోటు లో ఉండేది. ఆంధ్ర రాష్ట్రం లో లోటు 2 .42 కోట్లు(ప్లాను ప్రకారం) . అయినా ఆంధ్ర రాష్ట్రం 1953 అక్టోబర్ 1 న మద్రాస్ నుంచి విడి ప్రత్యెక రాష్ట్రముగా అంతకు ముందే అవతరించి కుదురుకొనే సమయంలో ఉంది. ఆంధ్ర రాష్ట్ర 1955 -56  బడ్జెట్ ప్రకారం కొన్ని వివరాలు: 18 ,౦౦౦ ప్రాథమిక పాఠశాలలు, 600 ప్రాథమికోన్నత పాఠశాలలు, 78  ట్రైనింగ్ స్కూల్స్ ఉన్నాయి. మూడు కొత్త ఇంజనీరింగ్ కాలేజీలు ఏర్పరిచారు.ఆహార ధాన్యాల ఉత్పత్తి 44 .60 లక్షల టన్నులు ఉంటే చాలా పక్కన ఉన్న హైదరాబాద్కు, ఇతర రాష్ట్రాలకు ఎగుమతులు చెయ్యడం జరిగింది.స్టేట్ ఫైనాన్సియల్ కార్పోరేషన్ కోట్లాది నిధులతో ఉండేది. భారీగా నిధులు జామిందారి భూములకు compensation ఇవ్వాల్సి వచ్చింది.కోట్లాది రూపాయులు సాగునీటి కోసం ఖర్చు పెట్టింది(నాగార్జున సాగర్ కు కేటాయించిన 1 .80  కోట్లు కాక) . 

• అదే రెవిన్యూ( 1955 -56 ) వివరాలు చూదాం . 1955 -56లో అభివృద్ధికి హైదరాబాద్ అవిభక్త రాష్ట్రంలో ఖర్చు 12 .66 కోట్ల రూపాయులు కాగా ఆంధ్రలో అది 16 .50 కోట్లు. తలసరి పెట్టిన ఖర్చు హైదరాబాద్ రాష్ట్రంలో 6 .8 కాగా ఆంధ్రలో 9 .27 రూపాయలు    

రెండవ భాగానికి ఆధారం: చలసాని శ్రీనివాస్ రచించిన 'జై ఆంధ్ర జై తెలంగాణా' పుస్తకము. పుస్తకంలో అన్ని వివరాలు రెఫెరెన్సుల సహా ఇవ్వడం జరిగింది.

మొదటి భాగం ఇక్కడ చదవండి